00:06
झविलाल डुम्रे
सम्माननीय सभामुख महोदय, विशेष समय मार्फत सरकारको ध्यानाकर्षण गराउन चाहन्छौं । आर्थिक वर्ष २०८३ ८४ को बजेट यस सम्मानित सदनमा पारित भइसकेको छ र अब कार्यान्वयनको चरणमा प्रवेश गर्दै छ ।
00:18
झविलाल डुम्रे
बजेट पारित भएपछि त्यसको प्रभावकारी कार्यान्वयन सुनिश्चित गर्नु देखिएका कमी कमजोरीहरूप्रति सरकारको ध्यानाकर्षण गराउनु र आगामी दिनका लागि सुधारका सुझाव दिनौं हामी जनप्रतिनिधिको साझा दायित्व हो । सर्वप्रथम चुनौतीपूर्ण आर्थिक अवस्था र सीमित स्रोत साधनका बिच बजेट निर्माण गरी सदनमा पारित गराउन सफल हुनुभएकोमा नेपाल सरकार र माननीय अर्थ मन्त्रीज्यूलाई धन्यवाद व्यक्त गर्दछु ।
00:39
झविलाल डुम्रे
सम्माननीय सभामुख महोदय, सरकारले बजेट आवश्यकता, औचित्य सम्भाव्यता र राष्ट्रिय प्राथमिकताका आधारमा विनियोजन गरेको बताएको छ । म पनि यही सिद्धान्तमा पक्षमा छु ।
00:49
झविलाल डुम्रे
तर दुःखका साथ भन्नुपर्छ । त्यसको तथ्याङ्क हेर्दा केही स्वाभाविक प्रश्नहरू उठेका छन् ।
00:54
झविलाल डुम्रे
हामीले हेर्दा जनसङ्ख्या, भौगोलिक बनोट र विकासको आवश्यकताका हिसाबले समान रहेका जिल्लाहरू बिच पनि बजेट विनियोजनमा ठूलो असमानता देखिन्छ । त्यस्तो भए बजेट निर्माणको आधार के थियो ।
01:04
झविलाल डुम्रे
आवश्यकता कहाँ कसरी हो । आयोजना तयारी के हो ?
01:07
झविलाल डुम्रे
कि जनताले भने चैँ हामी आफ्नो निर्वाचन क्षेत्रमा बजेट पार्नको लागि क्याबिनेट क्याबिनेटमा हुनुपर्ने अनिवार्य हो कि जनताले उठायो कहिन कही पहुँचको प्रभाव पनि हो । यदि स्पष्ट मापदण्ड छ भने सरकारले सार्वजनिक गर्नुपर्छ ।
01:22
झविलाल डुम्रे
पारदर्शिताले सरकारको विश्वास बढाउँदछ । सम्माननीय सभामुख महोदय म स्याङ्जाको प्रतिनिधित्व गर्छु ।
01:27
झविलाल डुम्रे
त्यसैले स्याङ्जाको आवाज उठाउनु मेरो दायित्व हो । तर आज मैले उठाएको आवाज स्याङ्जाको मात्र आवाज होइन ।
01:33
झविलाल डुम्रे
यो आवाज कर्णालीको पनि हो । यो आवाज सुदूरपश्चिमको पनि हो ।
01:37
झविलाल डुम्रे
यो आवाज मधेशको पनि हो । यो आवाज हिमाल, पहाड र तराईका ती सबै भूभागको हो जहाँका नागरिकले अझै पनि राज्यको विकासको प्रतिफल प्रतिफल समान रूपमा अनुभूति गर्न सकिराख्नुभएको छैन ।
01:49
झविलाल डुम्रे
हामीले समृद्ध नेपालको परिकल्पना गरिरहेका छौं भने कुनै प्रदेश कुनै जिल्ला वा कुनै गाउँलाई पछाडि छाडेर यो सम्भव छैन । स्याङ्जाको कुरा गर्दा कृषि, ग्रामीण सडक, सिँचाइ, स्वास्थ्य र पर्यटनका क्षेत्रमा अपेक्षाअनुसार बजेट सुनिश्चित हुन सकेन ।
02:04
झविलाल डुम्रे
सिद्धार्थ राजमार्ग स्तर उन्नतिको नाम बजेटमा समावेश हुनु सकारात्मक हो तर नाम उल्लेख हुँदैमा पुग्दैन । आयोजना समयमै सम्पन्न गर्ने गरी पर्याप्त स्रोत सुनिश्चित हुनुपर्छ ।
02:14
झविलाल डुम्रे
जनताले बजेट पुस्तिकामा नाम होइन । विकासको परिणाम हेर्न चाहनुभएको छ ।
02:19
झविलाल डुम्रे
आज पनि ग्रामीण सडक कमजोर हुँदा किसानले उत्पादन बजारसम्म पुर्याउन सकिरहेका छैनन् । स्वास्थ्य संस्थामा आवश्यक सेवा नहुँदा सामान्यदेखि मध्यम प्रकृतिका विरामी समेत जिल्ला बाहिर जान बाध्य छन् ।
02:29
झविलाल डुम्रे
कृषि क्षेत्रमा अझै उत्पादनभन्दा बढी समस्याको चर्चा गर्ने अवस्था छ । यस समस्या स्याङ्जामा मात्र होइन देशभरका धेरै जिल्लामा साझा छन् ।
02:37
झविलाल डुम्रे
मेरो आग्रह कुनै जिल्लाको बजेट घटाउनुपर्छ भन्ने होइन । मेरो आग्रह यति मात्रै हो ।
02:41
झविलाल डुम्रे
राज्यले विकासको अवसर सबै नागरिकलाई समान अनुभूति गराओस् । बजेटले कुनै भूगोललाई विजेता र अर्को भूगोललाई उपेक्षित बनाउने होइन ।
02:48
झविलाल डुम्रे
सबैको आशा दिने दस्तावेज भन्नुपर्छ । त्यसैले बजेट कार्यान्वयनको क्रममा विकासमा पछाडि पारिएका क्षेत्र अपेक्षाभन्दा कम बजेट प्राप्त गरेका जिल्ला र जनजीवनसँग प्रत्यक्ष जोडिएका कृषि, स्वास्थ्य, शिक्षा, ग्रामीण सडक र आधारभूत पूर्वाधारका योजनालाई उच्च प्राथमिकतामा राख्न नेपाल सरकारसँग हार्दिक आग्रह गर्न चाहन्छु ।
03:05
झविलाल डुम्रे
धन्यवाद ।
