भिडियो - मा. सुशील खड्का

House of Representatives30 Jul 2026

Summary

Generated by AI

No summary available for this video.

Transcript

00:00

Speaker

समय ३ मिनेट । त्यसपछि माननीय सदस्य धनेन्द्र कार्की ।

00:09

सुशील खड्का

सम्माननीय सभामुख महोदय, बदलिदो भूराजनीतिक परिवेशमा राष्ट्रिय सुरक्षा अब केवल परम्परागत सैनिक खतरा वा बाहिय चुनौतीमा सीमित छैन । आर्थिक अस्थिरता इन्फर्मेसन एन्ड साइबर वारफेर जलवायु सङ्कट उर्जा सङ्कट महामारी, प्राकृतिक प्रकोप, बेरोजगारी, सङ्गठित अपराध, सामाजिक तथा सांस्कृतिक आक्रमण जस्ता विषयहरू राष्ट्रिय सुरक्षाका महत्त्वपूर्ण आयामको रूपमा देखा परेका छन् ।

00:39

सुशील खड्का

पछिल्लो सन्दर्भमा राष्ट्रिय सुरक्षाको मूल प्रश्न राज्य कसरी जोगाउने मात्र नभई राज्यलाई दीर्घकालसम्म स्थिर सामर्थ्यवान र विश्वसनीय कसरी बनाउने भन्ने दिशामा केन्द्रित रहनुपर्छ । आर्थिक विकास र सुरक्षा एक अर्कामा परिपूरक हुन् र दुवैलाई संघसँगै लैजानुपर्छ ।

01:04

सुशील खड्का

नेपालको सन्दर्भमा यो विषय अझ संवेदनशील र रणनैतिक महत्वको रहेको छ । विगतका द्वन्द्व राजनैतिक सङ्क्रमण संविधान निर्माण संघीयता पुनर्संरचना तथा बदलिदो क्षेत्रीय भूराजनैतिक परिस्थितिहरूको अनुभव पनि हामीसँग छ ।

01:23

सुशील खड्का

राष्ट्रिय सुरक्षालाई अब केवल सुरक्षा निकायको सीमित कार्य क्षेत्रमा मात्र बुझ्नुहुँदैन । बरु यसलाई एक बहुआयामिक राज्य प्रणाली अर्थात् स्टेट क्राफ्टको रूपमा लिनुपर्छ ।

01:35

सुशील खड्का

राज्यको सुरक्षा नीति संस्थागत समन्वय र संसदीय ओभर साइटका बिचमा अझ स्पष्ट र सुदृढ सम्बन्ध हुनु अति नै आवश्यक छ । तसर्थ यस सम्मानित सदनका मार्फत राष्ट्रिय सुरक्षा तथा रक्षा नीतिको नियमित समीक्षा गर्न सुरक्षा क्षेत्रका बजेट निर्माण तथा खर्चलाई रेगुलरली ओभरसाइट गर्न सुरक्षा निकायहरूका कार्यसम्पादन मूल्याङ्कन गर्न सङ्कट व्यवस्थापन तथा अन्तरनिकाय समन्वय गर्न दीर्घकालीन राष्ट्रिय सुरक्षा रणनीति निर्माण गर्न र गोपनीयताको सम्मान गर्दै लोकतान्त्रिक जवाफदेहिता सुनिश्चित गरी संसदीय राष्ट्रिय सुरक्षा तथा प्रतिरक्षा समिति तत्काल गठन होस्‌ भन्ने विशेष माग गर्दछु ।

02:27

सुशील खड्का

धन्यवाद । ।