भिडियो - मा. धनेन्द्र कार्की

House of Representatives30 Jul 2026

Summary

Generated by AI

No summary available for this video.

Transcript

00:00

Speaker

धनेन्द्र कार्की । समय ३ मिनेट ।

00:04

Speaker

त्यसपछि माननीय सदस्य रञ्जु न्यौपाने । सम्माननीय

00:07

धनेन्द्र कार्की

सभामुख महोदय, म आज आफ्नो निर्वाचन क्षेत्र सिन्धुलीका हजारौं जुनार किसानको जीवनसँग प्रत्यक्ष जोडिएको अत्यन्त गम्भीर विषयमा नेपाल सरकारको ध्यानाकर्षण गराउन चाहन्छु । सिन्धुलीलाई जुनारको जिल्लाका रूपमा चिनिन्छ ।

00:19

धनेन्द्र कार्की

विशेष गरी गोलन्जोर गाउँपालिका कमलामाई नगरपालिका, तीनपाटन गाउँपालिका र फिकल गाउँपालिकाका किसानको मुख्य आय आर्जनको आधार जुनार खेती हो । हाल करिब १९ किसान र १,७०० भन्दा बढी जुनारका बोट र २० हेक्टर क्षेत्रफलमा फैलिएको यो खेतीले वार्षिक रूपमा करोडौं रुपैयाँको आर्थिक कारोबार गर्दै स्थानीय तथा राष्ट्रिय अर्थतन्त्रमा महत्त्वपूर्ण योगदान पुर्याइरहेको छ ।

00:41

धनेन्द्र कार्की

तर सम्माननीय सभामुख महोदय, आज यही जुनार गम्भीर सङ्कटमा छ । जुनार र सुन्तलामा फैलिएको अज्ञात रोगका कारण देशभरका किसानको वर्षौंको मेहिनत लगानी र भविष्य नै जोखिममा परेको छ ।

00:55

धनेन्द्र कार्की

रोगका कारण नियन्त्रण र उपचारको विषयमा अझै प्रभावकारी अनुसन्धान हुन सकेको छैन । त्यसैले नेपाल सरकारसँग मेरो आग्रह छ ।

01:04

धनेन्द्र कार्की

यसलाई सामान्य कृषि समस्या नभई राष्ट्रिय कृषि सङ्कटका रूपमा लिएर तत्काल विशेषज्ञ टोली परिचालन गरियोस्‌ । आवश्यक परे इजराल वा दक्षिण कोरिया जस्ता कृषि प्रविधिमा अग्रणी मुलुकका विज्ञको सहयोगमा रोगको पहिचान अनुसन्धान र नियन्त्रणका विशेष कार्यक्रम सञ्चालन गरियोस्‌ ।

01:22

धनेन्द्र कार्की

किसानलाई प्राविधिक सेवा रोग प्रतिरोधी बिरुवा र आवश्यक सहयोग तत्काल उपलब्ध गराइयोस् । साथै घर ५ बिरुवा जस्ता उत्पादनमुखी कार्यक्रम सञ्चालन गरी उत्पादन वृद्धि रोजगारी सृजना र नेपालको जुनहरूलाई अन्तर्राष्ट्रिय बजारमा ब्रान्ड गरेर स्थापित गर्न नसके सरकारले यो नीतिलाई अगि बढाउन आवश्यक देखिन्छ ।

01:47

धनेन्द्र कार्की

समयमै सरकारले प्रभावकारी कदम चाल्यो भने सिन्धुलीका किसान मात्र होइन । श्रम र देशभरिको जुनार सुन्तला लागेको कृषि क्षेत्रले नयाँ आशा पाउने छ ।

01:58

धनेन्द्र कार्की

त्यसैले यस विषयमा नेपाल सरकारको तत्काल ध्यानाकर्षण गराउँदै आफ्नो भनाइ यही समाप्त गर्दछु । धन्यवाद ।