00:00
रुबी कुमारी
समिन मिक्रानी समय ५ मिनेट तेसपछि माननीय प्रकाश सिंह कार्की
00:11
गजाला सामिम मिकरानी
सम्माननीय सम्माननीय सभामुख महोदय, म आज अत्यन्त गम्भीर विषय बन्दै गएको जलवायु परिवर्तनका सम्बन्धमा यस सम्मानित सदनको ध्यानाकर्षण गराउन चाहन्छु । नेपालले विश्वको कूल हरितगृह ग्यास उत्सर्जनमा अत्यन्त न्यून योगदान गर्छ ।
00:27
गजाला सामिम मिकरानी
तर जलवायु परिवर्तनको असर भोग्ने देशमध्ये नेपाल अग्र पङ्तिमा छ । हाम्रा हिमालहरू पग्लिरहेका छन् ।
00:34
गजाला सामिम मिकरानी
हिमनदीहरू तीव्र गतिमा घटिरहेका छन् । हिमतालहरू विस्तार भइरहेका छन् र हिमताल विस्फोटको जोखिम बढिरहेको छ ।
00:43
गजाला सामिम मिकरानी
त्यससँगै बाढी पहिरो डुवान खडेरी र अनियमित वर्षाले हाम्रो जनजीवन, कृषि, पूर्वाधार र अर्थतन्त्रमा गम्भीर असर पारिरहेको छ । हाम्रो हिमाल पग्लिँदा यसको असर काठमाडौंमा मात्र होइन तराईसम्म पुग्छ ।
00:59
गजाला सामिम मिकरानी
नदीमा बाढी आउँदा केवल एउटा घर होइन परिवारको भविष्य नै बगाउँछ । सम्माननीय सभामुख महोदय विश्वले जलवायु परिवर्तनको समाधानका लागि विभिन्न व्यवस्था अघि सारेको छ ।
01:12
गजाला सामिम मिकरानी
नेपालले पनि वन संरक्षण, कार्वन उत्सर्जन न्यूनीकरण र कार्बनसम्बन्धी कार्यक्रममार्फत केही रकम प्राप्त गरिरहेको छ । वन संरक्षण गरेर कार्वन उत्सर्जन घटाउन आफैमा सकारात्मक काम हो ।
01:24
गजाला सामिम मिकरानी
नेपालले आफ्नो वन जोगाउनुपर्छ । वातावरण संरक्षण गर्नुपर्छ र कार्बन उत्सर्जन घटाउनुपर्छ ।
01:30
गजाला सामिम मिकरानी
तर यहाँ एउटा आधारभूत प्रश्न उठ्छ । के नेपाली जनताको जीवनको मूल्य कार्वनको बजार मूल्यसँग तुलना गर्न सकिन्छ ।
01:40
गजाला सामिम मिकरानी
यदि एउटा हिमताल फुटेर बस्दी भोग्यो यदि पहिरोमा नागरिकको ज्यान गुम्यो भने त्यसको मूल्य कति डलर हो । सभामुख महोदय मानव जीवन मूल्य बन्छ ।
01:52
गजाला सामिम मिकरानी
त्यसैले नेपालको आवाज केवल हामीलाई क्षतिपूर्ति देओ भन्नेमा सीमित हुनुहुँदैन । नेपालको आवाज अझ बलिय हुनुपर्छ ।
02:00
गजाला सामिम मिकरानी
जलवायु परिवर्तनको मूल कारणमाथि काम गरेर उत्सर्जन घटाउ र जलवायु न्याय सुनिश्चित गर आज विश्वका केही देशहरू दशकौंदेखि अत्याधिक मात्रामा फोसिल फिल प्रयोग गरेर आर्थिक विकास गरेका छन् र त्यसको प्रत्यक्ष असर भने नेपालले भोगिरहेको छ । हामीले विकासको विरोध गरेका होइनौं ।
02:21
गजाला सामिम मिकरानी
हामीले समृद्धिको विरोध गरेका होइनौं । तर एउटा देशको समृद्धि अर्को देशको विनाशको मूल्यमा निर्माण हुनुहुँदैन ।
02:30
गजाला सामिम मिकरानी
सभामुख महोदय, कार्बन व्यापार वा कार्वन क्रेडिटले केही आर्थिक स्रोत जुटाउन सक्ला । वन संरक्षणलाई प्रोत्साहन गर्न सक्ला ।
02:40
गजाला सामिम मिकरानी
तर एउटा खतरनाक मानसिकता जनाउनुहुँदैन उत्सर्जन गर पैसा तिर र आफ्नो जिम्मेवारी पूरा भयो । पैसा तिरे र प्रदूषण गर्ने अधिकार किन्न पाइँदैन सभामुख महोदय कार्वन उत्सर्जन घटाउने वास्तविक कामको विकल्प कार्यको व्यापार हुन सक्दैन ।
02:59
गजाला सामिम मिकरानी
त्यसैले नेपालले अन्तर्राष्ट्रिय मञ्चमा अझ स्पष्ट र बलियो आवाज उठाउन आवश्यक छ । हामीले उच्च कार्य उत्सर्जन गर्ने राष्ट्रहरूसँग भन्नुपर्छ ।
03:09
गजाला सामिम मिकरानी
फोसिल फ्युलको प्रयोग घटाउ । कोइला, तेल, ग्यासको प्रयोग घटाउ ।
03:14
गजाला सामिम मिकरानी
नवीकरणीय उर्जामा लगानी बढाउ । नयाँ प्रविधिमा लगानी बढाउ र जलवायु परिवर्तनबाट प्रभावित देशहरूको क्षति र नोक्सानीलाई न्यायपूर्ण ढङ्गले सम्बोधन गर ।
03:25
गजाला सामिम मिकरानी
सभामुख महोदय, म यो सदनमार्फत विश्व समुदायलाई एउटा सरल प्रश्न गर्न चाहन्छु । केही हिमाल पग लिएपछि पैसा दिएर फेरि हिमाल बनाउन सकिन्छ ।
03:36
गजाला सामिम मिकरानी
के बाढीले बगायो गाउँ पैसा दिएर फेरि उस्तै बनाउन सकिन्छ । के पहिरोमा गुमेको जीवन पैसा दिएर फर्काउन सकिन्छ ।
03:44
गजाला सामिम मिकरानी
कदापि सकिँदैन । सभामुख महोदय , त्यसैले नेपाललाई केवल क्षतिपूर्ति होइन जलवायु न्याय चाहिन्छ ।
03:51
गजाला सामिम मिकरानी
हामीलाई केवल कार्बनको मूल्य तोक्ने व्यवस्था होइन कार्सर्जन घटाउने विश्वव्यापी प्रतिबद्धता चाहिन्छ । अन्त्यमा सभामुख महोदय म यति मात्र भन्न चाहन्छु ।
04:03
गजाला सामिम मिकरानी
पैसाले हिमाल बचाउन सक्दैन पैसाले गुमेको जीवन फर्काउन सक्दैन र कार्वनको व्यापारले जलवायु सङ्कटको मूल कारण समाधान गर्न सक्दैन । विश्वले कार्बन किनबेच गरेर आफ्नो जिम्मेवारी पूरा भएको घोषणा गर्ने होइन ।
04:18
गजाला सामिम मिकरानी
वास्तवमै उत्सर्जन घटाउने निर्णय गर्नुपर्छ । सभामुख महोदय नेपालले अन्तर्राष्ट्रिय समुदाय बलियो अठोटका साथ भन्नुपर्छ ।
04:27
गजाला सामिम मिकरानी
हामीलाई दया होइन हामीलाई जलवायु न्याय चाहिन्छ । धन्यवाद ।
