भिडियो - मा. जगत प्रसाद जोशी

House of Representatives17 Sept 2026

Summary

Generated by AI

यस छलफलमा माननीय सदस्यहरूले संयुक्त राष्ट्र सङ्घको समुद्री कानुनसम्बन्धी महासन्धिअन्तर्गत राष्ट्रिय क्षेत्राधिकारभन्दा बाहिरका क्षेत्रमा सामुद्रिक जैविक विविधताको संरक्षण र दिगो प्रयोगसम्बन्धी सम्झौतामाथि नेपालले गरेको हस्ताक्षरको अनुमोदनबारे विचार राखे। वक्ताले यो विषय अन्तर्राष्ट्रिय महत्त्वको भएकाले नेपालको हित, सार्वभौमिकता र दीर्घकालीन फाइदाका दृष्टिले मूल्याङ्कन गर्नुपर्ने बताए। उनले विश्व शक्तिहरूबीच यससम्बन्धी बहस र अस्वीकार/विवादको स्थिति उल्लेख गर्दै पनि भूपरिवेष्टित र विकासमा पछि परेको नेपालका लागि यसले लाभ दिन सक्ने तर्क प्रस्तुत गरे।

Highlights

★संयुक्त राष्ट्र सङ्घको समुद्री जैविक विविधता सम्झौताको अनुमोदनबारे सदनमा छलफल भएको उल्लेख गरियो।
★यो सम्झौता नेपालको हितमा हुन्छ कि हुँदैन भन्ने कोणबाट गम्भीर मूल्याङ्कन गर्नुपर्ने भनियो।
★विश्वका पुँजीवादी र साम्राज्यवादी शक्तिहरूले प्राकृतिक स्रोतहरूमाथि कब्जा गर्ने प्रवृत्ति बढेको भन्दै चिन्ता व्यक्त गरियो।
★रसिया, अमेरिकी सदन र विपक्षमा समेत यस विषयमा बहस/अस्वीकृति रहेको प्रसंग उठाइयो।
★भूपरिवेष्टित र विकासमा पछि परेको नेपालका लागि यो सन्धि स्वीकार गर्दा फाइदा हुन सक्ने तर्क प्रस्तुत गरियो।

Transcript

00:12

डोलप्रसाद अर्याल

माननीय सदस्य जगत प्रसाद जोशी । त्यसपछि माननीय सदस्य साजिदा खातुन सिद्दिकी ।

00:23

जगतप्रसाद जोशी

सम्माननीय सभामुख महोदय, आज हामी एउटा अन्तर्राष्ट्रिय महत्त्वको विषयमा यस सदनमा आफ्ना विचारहरू राखिरहेका छौं । र माननीय मन्त्रीज्यूले यो प्रस्तावको पक्ष वा विपक्षमा भन्दा पनि संयुक्त राष्ट्र सङ्घमा जसरी नेपालले हस्ताक्षर गरिसकेको छ ।

00:46

जगतप्रसाद जोशी

त्यो हस्ताक्षर पछाडि नेपालको सदनमा अनुमोदनका निमित्त अनुमोदनका निमित्त आज यो छलफलका लागि जुन प्रस्ताव राख्नुभएको छ । यसको संयुक्त राष्ट्र सङ्घको समुन्द्रिक कानुनसम्बन्धी सामुन्द्रिक कानुनसम्बन्धी महासन्धिअन्तर्गत राष्ट्रिय क्षेत्राधिकारभन्दा बाहिरका क्षेत्रमा सामुद्रिक जैविक विविधताको संरक्षण र दिगो प्रयोग सम्बन्धी सम्झौतामाथि आज उहाँहरूले प्रस्ताव राख्नुभएको छ र यो प्रस्तावमा हामीले आफ्ना भनाइहरू राखिरहेका छौं ।

01:16

जगतप्रसाद जोशी

यो प्रस्तावको अन्तर्राष्ट्रिय महत्त्व यसमानेमा छ कि हामीले आज जुन सुकै प्रस्तावहरू सदनबाट पास गरिरहँदा हाम्रो देशको हितमा हुन्छ कि हुँदैन । त्यसलाई हामीले हाम्रो देशको पक्षमा पार्न सक्छौं कि सक्दैनौं ।

01:30

जगतप्रसाद जोशी

यी प्रस्तावहरूमाथि विचार गर्न जरुरी छ । नेपालले थुप्रै सन्धीहरूमाथि हस्ताक्षर गरेको छ र ती सन्धीहरूको पक्ष र विपक्षमा नेपालको सदनभित्र आवाजहरू उठेको हामीले देखेका छौं ।

01:42

जगतप्रसाद जोशी

हिजोका दिनमा भएका नदिनाला सम्बन्धी सन्धि देखि लिएर विभिन्न सन्धीहरूको पक्ष र विपक्षमा सडकमा समेत हामीले आवाज उठेको देखेका थियौं र आजको दिनमा हामीले यो प्रस्तावमाथि छलफल गरिरहँदा आज विचार विमर्श गर्नुपर्ने विषय के हो भने संसारका पुँजीवादी देशहरूले पुँजीपतिहरूले आज हावालाई पनि कब्जा गरिरहेका छन्‌ । पानीलाई पनि कब्जा गरिरहेका छन्‌ ।

02:05

जगतप्रसाद जोशी

दोस्रो विश्वयुद्ध पश्चात भूगोलको कब्जा गर्ने रणनीति सकिएता पनि त्यसपछाडि साम्राज्यवादी नीतिअन्तर्गत आज विश्वका विभिन्न मुलुकहरूभित्र छिरेर आफ्ना संस्कृतिहरूमाथि धावा बोलिरहेको परिप्रेक्षमा यो नीति पास गर्नु श्रेयकर हुन्छ कि हुँदैन भन्ने कुरा आज एकदमै महत्त्वपूर्ण विषय बनिरहेको छ । हामीले योभन्दा अगाडिका माननीयज्यूहरूले भन्नुभयो ।

02:27

जगतप्रसाद जोशी

आज प्रकृति संसारका सबै मानिसहरूको साझा सम्पत्ति हो र त्यो सम्पत्तिमाथि आज कुन किसिमले चाहिँ प्रयोग भइरहेको छ र हाम्रो हितमा हुन्छ कि हुँदैन भन्ने कुरा सबैले बोलिसक्नुभएको छ र यसमाथि सबैले समर्थन जनाएर बिदा हुनुभएको छ । तर आज सोच्नुपर्ने विषय के हो भने विश्वको महाशक्ति राष्ट्र ।

02:46

जगतप्रसाद जोशी

रसियाले यसलाई अस्वीकार गरिरहेको छ । अमेरिकाको सदनमा बहसको विषय बनिरहेको छ ।

02:51

जगतप्रसाद जोशी

प्रतिपक्षले यसलाई स्वीकारिरहेको छैन र यो विषयमा हामीले स्वीकार गर्न उपयुक्त हुन्छ कि हुँदैन हाम्रो कोणबाट हेर्न हेर्न जरुरी छ । यसरी हेर्नुपर्दा हामी आज भूपरिवेष्टित मुलुक र आज विकासभन्दा निकै टाढा रहेको मुलुक हाम्रा लागि चाहिँ यो सन्धिको पक्षमा हस्ताक्षर गर्न जरुरी हुन्छ ।

03:10

जगतप्रसाद जोशी

यसबाट नेपालले आफ्नो पक्षमा फाइदा लिन सक्छ भन्ने कुरा म राख्दै बिदा हुन्छु । धन्यवाद ।